Abanyeshuri basoje amasomo kuri Bibiliya ikiciro cya gatatu mu ishuri rya Bibiliya rya SAINT LUCAS YOUTH BIBLE SCHOOL rya Arkidiyosezi ya KIGALI, riherere muri paruwasi yaragijwe Yohani Bosco/KICUKIRO, ku wa gatandatu tariki ya 17/05/2025 bakoze defense y’ibitabo (Mémoire) byabo banditse.
Ishuri rya Bibiliya rya SAINT LUCAS YOUTH BIBLE SCHOOL ni ishuri rya Komisiyo y’urubyiruko ku rwego rwa Arkidiyosezi ya KIGALI. Aasomo ya Bibiliya atangirwamo ari ku rwego rwa kaminuza, aho rifite ubutumwa bwo kwigisha abajene Bibiliya, bakaba baratangije iri shyuri mu rwego rwo kwigisha urubyiruko Bibiliya.
Ni ishuri ryatangijwe ku mugaragaro na Arkiyepiskopi wa KIGALI, Nyiricyubahiro Antoni Cardinal KAMBANDA, Umuyobozi waryo urihagarariye akaba ari Padiri GWIZA Joseph.
Poromosiyo (Promotion) ya mbere y’iri shuri yatangiye mu mwaka 2022, ritangijwe na Arkiyepiskopi wa KIGALI, Nyiricyubahiro Antoine Cardinal KAMBANDA, isoza ku itariki ya 01/07/2023. Kuri iyi tariki isoza ninayo yahise itangizwaho ku mu garagaro ikiciro gikurikiyeho, ni ukuvuga ko icyiciro cya II ariho cyatangiye, gisoza tariki ya 01/07/2024.
Ikiciro cya III nacyo cyatangijwe kuri iyi tariki tariki ya 01/07/2024, kikazasoza tariki ya 01/07/2025. Buri kiciro gisozwa na defense y’ibitabo bakoze ndetse nyuma yaho kigasozwa na Graduation. Uyu mwaka abasoje icyiciro cya III bakoze defense tariki ta 17/05/2025. Bikaba biteganyijwe ko bategereje kuzakorerwa Graduation yabo no gufata Celetificat zabo kuri iyi tariki ya 01/07/2025.
Ishuri rya Saint Luka’s Youths Bible School riri ku rwego nk’urwa Kaminuza, gusa abaifuza kuryigamo bose bakaba nta kiguzi basabwa, kuko ari ubuntu.
Abafiza kwiga mu Ishuri rya SAINT LUCAS YOUTH BIBLE SCHOOL bagomba kuba bujuje ibi bikurikira: Kuba nibura barasoje amashuri yisumbuye, kuba bazashobora kubasha kwitabiri amasomo ku cyicaro cyaryo kiri muri Paruwasi yaragijwe Mutagatifu Yohani Bosco/KICUKIRO ndetse no kuba ari abo muri Arkidiyosezi ya KIGALI cyangwa se abo hanze yayo babyifuza nabo barabakira.
Kuri ubu iri shuri rya Bibiliya ryaratangiye kwakira abanyeshuri bashya bazaryigamo mu cyiciro cya IV. Rirasaba abapadiri bose b’aba Omoniye gutangira kohereza amazina y’urubyiruko ruzitabira ishuri: Amazina yombi, nomero ya telephone na Paruwasi imwohereje.
Biga ku wa gatandatu wa gatatu w’ukwezi, guhera saa mbiri n’igice (08h30’), kugeza saa sita n’igice (12h30’) z’amanywa, bakiga mu gihe cy’umwaka wose. Biga Bibiliya yose kuva muntangiriro kugeza mu byahishuwe. Abarimu bigishamo ni Abapadiri b’abakorerabushyake (Les Bénévoles), bakabikora nk’ubutumwa.
Abasoje muri iri shuri bahabwa inshingano zitandukanye: Nko kuba Abakateshiste, bakaba bayobora imiryangoremezo, bakayobora imihimbazo, bakaba bashobora kwigisha abandi no gufonda amashuri ya Bibiliya mu ma paruwasi yabo, baba inshuti z’abana, abasomyi b’ijambo ry’Imana mu Kiliziya, guhabwa ubutumwa bw’abagabuzi b’ingoboka b’Ukaristiya, bashobora no guhugura abandi mu matsinda anyuranye y’abakristu, kuyobora imiryango itandukanye y’abasenga (Mouvement d’Action Catholique), gutanga imyiherero, n’ibindi. Abapadiri bose mu ma paruwasi basabwa ko babaha ubutumwa igihe basoje ishuri.
Iri shuri rya Bibiliya ryatangijwe na Arkiyepiskopi wa KIGALI, Nyiricyubahiro Antoine Cardina KAMBANDA, ndetse aranarishyigikira cyane, aranarikurikirana cyane buri mwaka, akamenya imibereho yaryo yose. Arkiyepiskopi, ni nawe utangiza icyiciro gishya, akanasoza ku mugaragaro buri kiciro k’iri shuri gisoje amasomo. Buri gihe ahemba, akanatanga Certificats ku cyiciro gisoje ishuri ndetse akanatangiza ako kanya promotion nshyashya.
Kugeza uyu munsi, ishuri ryirwanaho, ntabwo rifite financement (umuterankunga), abanyeshuri baryigamo bigira ubuntu, abarimu ni abakorerabushake, babikora nk’ubutumwa. Iyo hari ucyeneye amazi cyangwa Essence ku baturuka kure ishuri ribyishakamo (ryishakira ibisubiza).
Intego ya mbere y’ishuri ni ugufasha urubyiruko gufashwa n’Ijambo ry’Imana no gutungwa naryo. Kubera ko usanga mu bihe bya none abantu bagenda badohoka mu kumenya Ijambo ry’Imana, bakanitinya mu kurisobanura mu matsinda y’abasenga cyangwa no hanze muri kominote. Ni ukugira ngo abajene bamenye ijambo ry’Imana, batungwe naryo kandi bunze ubumwe na Kiliziya. Intego ya kabiri ni ukugira ngo haboneke abajene bari forume ku ijambo ry’Imana bazafasha abandi mu butumwa bunyuranye muri Kiliziya: Abasomyi, Abakatejiste, abayobozi b’imiryango y’abasenga n’ahandi.
Kugeza ubu, Ishuri rya SAINT LUCAS YOUTH BIBLE SCHOOL rigaragaza ko rifite imbogamizi yo kubona ibikoresho binyuranye: Flip Chart papers (Impapuro bakoresha mu kwandikaho bari kwigisha), ikibaho (Smart Board), projecteur na ordinateur (Machine), , insakazamajwi, micro, kubona amafaranga yo kugura amazi igihe umwarimu arimo kwigisha, no kumubonera karubira (Essence) igihe yaje kwigisha n’imodoka cyangwa ateze. Barateganya kandi ko bishobotse bazabona amafaranga yo guhemba abitwaye neza no kubakorera graduation.
Imibare igaragaza ko abanyeshuri bitabiriye kwiga muri iri shuri rya Bibiliya ikiciro cya mbere mu mwaka 2022 bari 80 hasoza 30, mu 2023 ikiciro cya kabiri bari 120 hasoza 50, mu 2024 kugeza ubu bo mu kiciro cya gatatu bari 168 hakaba hasoje 80. Gusa kugeza ubu ntabwo ama paruwasi yose yari yabasha kwitabira, aho baboneraho gusaba n’andi kwitabira. Kugeza ubu ishuri rifite ubushobozi bwo kuba ryabasha kwakira urubyiruko rurenga 1500.
Kugira ngo abanyeshuri basoje mu Ishuri rya Bibiliya rya SAINT LUCAS YOUTH BIBLE SCHOOL babashe gusoza neza amasomo, harebwa ibintu bitandukanye: kuba yaritabiriye ishuri, gukora neza imikoro atahana gukorera mu rugo, kuba yarabashije kujyana n’abandi mu rugendo shuri ku murwa wa Bibiliya i NYARUSHISHI, muri diyosezi Gatolika ya GIKONGORO ku gihe bashyiriweho cyo kujyayo kuhakorera pratique, ruba buri mwaka mu kwezi kwa mbere buri mwaka no kuba yaragiye agira kimwe cya kabiri muri aya masomo. Nibwo yemererwa gukora defense y’igitabo. Nyuma bagakorerwa graduation isoza. Gusa utabashije gutsinda uwo mwaka yongera gutangirana n’indi promotion.
Theme y’Ishuri rya Bibiliya rya SAINT LUCAS YOUTH BIBLE SCHOOL ni “IJAMBO RY’IMANA RITUYOBORE”. Mu myaka iri imbere ishuri rifite intumbero yo kuzakora archive cyangwa Bubliotèque yo kujya ishyirwamo mémoire zose z’abanyeshuri bahasoje. Ku buryo umuntu wese ucyeneye gukora ubushakashatsi yajya ayifashisha, ikajya ku kicaro cya Komisiyo y’urubyiruko muri Arkidiyosezi, gushinga amashami y’ishuri ku rwego rw’uturere tw’icyenurabushyo (ma ma zone Pasitorale yose), rikazanabyara amashuri ya Bibiliya y’abakuru mu ma paruwasi, aho hanifuzwa ko aya mashuri nayo yazagera no kubana bato, aho kugeza ubu ishuri nk’iri rya Bibiliya ry’abana riri i GIKONDO no muri Paruwasi ya GITABAGE.
Hifuzwa kandi ko haboneka ubufasha mu kubona Bibiliya y’abana (izwi nk’umusogongero wa Bibiliya), n’izindi mfashanyigisho, ndetse na Bibiliya ntagatifu ku rubyiruko ruri kwiga muri iri shuri, byibura buri mujene ushoje amasomo akaba afite Bibiliya ye bwite.
URUBYIRUKO RWASOJE AMASOMO MU ISHURI RYA BIBILIYA RYA ARKIDIYOSEZI YA KIGALI
