Dusanganire Uwazutse We Soko y’ibyishimo bidakama” (Papa Fransisiko).

Kuri uyu wa mbere tariki 1 Mata 2024, Nyirubutungane Papa Fransisiko mbere yo gutangira isengesho ry’indamutso ya Malayika” Mwamikazi wo mu ijuru wishime, Alleluya”, nk’uko tuyivuga mu gihe cya Pasika,  imbere y’imbaga nini y’abakirisitu bari bakoraniye ku mbuga ya Mutagatifu Petero i Roma yatanze ingingo yo kuzirikanaho muri iki gihe cy’iminsi y’ibirori bya Pasika. Yahereye ku byishimo by’izuka rya Yezu, ibyishimo byaranze ba bagore mu gitondo cya Pasika. Papa yavuze ko uburyo bwiza bwo kumva ibi byishimo: Ni ngombwa guhaguruka tugasanganira Uwazutse kuko niwe soko  y’ibyishimo bidakama ( Papa Fransisko ).

Kuri uyu munsi  wa mbere w’ibirori bya Pasika, Papa yagarutse ku ivanjili y’umunsi, ivanjili yerekana ibyishimo bisendereye abagore bari bafite babonye Yezu wazutse. Abagore bavuye ku mva basazwe n’ibyishimo bihutira kujya kubimenyesha abigishwa( Mt 28,8). Ibi byishimo ntahandi byavaga uretse mu guhura na Yezu wazutse. Imitima yabo yabagayuwe n’ibyishimo bihutira kujya gutangaza hose iyo nkuru nziza y’izuka. Papa yibukije abari bamukurikiye ko twese dukwiye gutangaza hose inkuru nziza y’izuka, cyane cyane abajeni bahamagariwe kwitangira uwo murimo. Papa yatanze ingero 3 ziranga ibihe byiza bibyutsa ibyishimo by’abantu mu buzima busanzwe: Umwana watsinze akabona amanota meza mu ishuri akishimira kwereka ababyeyi be umusaruro w’amanota yabonye,  umuntu watsinze ibitego byinshi abitsindiye ikipe ye, ibyishimo by’umuryango wungutse umwana nyuma y’igihe kirekire bamutegereje. Buri wese yatekereza ibihe byiza yaba yaragize kuburyo iyo nkuru bitamukundira kuyihererana. Ni uko bikwiye kugenda no mu kwamamaza inkuru nziza y’izuka ry’umucunguzi.

Byahinduwe mu Kinyarwanda na

Padiri GWIZA Joseph

Paruwasi Kicukiro

Leave a Reply

Your email address will not be published. Required fields are marked *