Paruwasi Rutongo

Imiterere ya Paruwasi Rutongo

 Paruwasi Bikira Mariya Ugira Ibambe ya Rutongo yashinzwe kuwa 06/10/1955.   Ni iya 4 mu mavuko muri Arikidiyosezi ya Kigali nyuma ya Paruwasi ya Rulindo, Sainte Famille na Rwankuba.

Iherereye mu karere k’ikenurabushyo ka Buriza Bumbogo. Ikaba ifite igice kinini kiri mu karere ka Rulindo n’agace gato kari mu karere ka Gasabo mu mujyi wa Kigali. Ihana imbibe na Paruwasi ya Mutete na Muyanza za Diyosezi ya Byumba mu majyaruguru, paruwasi ya Kabuye mu  majyepfo , paruwasi ya Gishaka mu burasirazuba na paruwasi ya Rulindo iburengerazuba.

Santarali, Mpuza  n’imiryango remezo

Iyo witegereje neza usanga umuryango remezo umwe utuwe hafi n’abantu 200 bari mu ngo hagati ya 25 na 33. Iyi miryangoremezo akaba ari minini cyane itashobora kworoshya isangirabuzima.

Aya masantrali agabanyije mu turere 5 tw’ikenurabushyo 5 ari two :

Zone ya MASORO igizwe n’amasantarari ya Masoro yubatsemo icyicaro cya Paruwasi, Mugambazi aho Paruwasi yabanje mu 1947, Ngiryi na Muhororo

Zone ya Kirwa igizwe n’amasantarari Kirwa na Karambo

Zone ya Rusasa igizwe n’amasantarari ya Rusasa, Gitambi na Kayenzi

Zone ya Kanyoni igizwe n’amasantarari ya Kanyoni, Cyinzuzi na Gitete

Zone Rubingo igizwe na Rubingo na Gaseke

Amasantarari ya Rubingo, Gaseke, Cyinzuzi na Kanyoni  ateganyijwe kuzifatanya na Santarari ya Gitabage yo muri Paruwasi ya Rulindo zikarema Paruwasi nshya ya Mugote I Remera y’Abaforongo.

Amasantarari  afite aho gusengera n’ubwo usanga ahenshi haduhuje n’igihe tugezemo.

Santrali ya Ngiryi iri mu murenge wa Jabana na Rubingo yubatse mu murenge wa Jali mu karere Gasabo zifite ibibazo bikomeye by’inyubako zitajyanye n’igishushanyo cy’umujyi wa Kigali.

Paruwasi ya Rutongo yibarutse umusaserdoti wa mbere mu mwaka wa  2002, ubu ikaba imaze guha Kiliziya abasaserdoti barindwi.  Yizihije yubile y’imyaka 50 imaze ivutse mu mwaka wa 2005.

Paruwasi Rutongo niyo irimo icyiciro cya mbere cya seminari nkuru (propedeutique) cyashinzwe mu mwaka w’ 1980.

Ibigo by’abihaye Imana 

Rutongo ikoreramo imiryango ibiri y’abihaye Imana.

Abihaye Imana bavuka muri paruwasi ya Rutongo

Inzira zo gukemura ibibazo by’ingutu paruwasi ifite

Kongerera ingufu ikenurabushyo ry’umuryango n’iry’ibyiciro by’abakristu;

Kongerera abakristu ubumenyi kuri kiliziya yabo n’ukwemera kwabo ;

Guteganya ibikorwa byihariye by’ikenurabushyo ku bize n’abanyabwenge ;

Kongera uburyo bwo kwita ku bana mu mashuri no mu miryango remezo, gushishikariza abarezi kuganira n’abana, no guteganya inyigisho z’iyogezabutumwa zihuje n’ikigero cy’abana ;

Kongera amahugurwa n’imyiherero ku byiciro byose by’abakristu ;

Gusura kenshi za Mpuza n’imiryango remezo

Kongerera ubushobozi abalayiki bunganira mu iyogezabutumwa

Gukoresha mu mucyo amikoro kiliziya yinjiza;

Kurushaho kubyaza umusaruro umutungo kamere wa paruwasi ;

Kunoza ihererekanyamakuru ;

Gushinga santarali  na paruwasi nshya;

Kuvugurura cyangwa gusimbura ibikorwa remezo bishaje.