Paruwasi Rulindo

Padri Mukuru:Padri Damien KIMENYI            Numero ya telefoni :0784905757   Umunyamabanga: Luc HITIMANA           Numero ya telefoni:0785549071 Missa kuri paruwasi Ku cyumweru: 7h00, 9h30 (abana) na 11h00. Ku mibyizi:  06h45 Gushengerera:  kuwa kane kuva nyuma ya misa ya mugitondo kugeza 9h30. Ariko paruwasi ifite na Shapeli ikoreshwa igihe cyose mu gushengerera. Penetensiya: kuwa kabiri no kuwa gatanu nyuma ya misa ya mugitondo. Kwakira abakristu:

Aho Paruwasi iherereye

Paruwasi Rulindo iherereye mu karere k’ikenurabushyo ka Buriza-Bumbogo. Icyicaro cya Paruwasi kiri mu ntara y’amajyaruguru y’u Rwanda, mu karere ka Rulindo ,umurenge wa Bushoki,akagari ka Gasiza,umudugudu wa Rulindo. Iyi paruwasi isanganya umurenge wa Bushoki igakora kandi ku bice by’imirenge ya Base, Tumba, Mbogo,Rusiga,Ngoma na Cyinzuzi.

Paruwasi Rulindo ihana imbibi na paruwasi zikurikira

Mu majyaruguru Paruwasi ya Rwankuba(Kigali) na Paruwasi ya Nemba (Ruhengeri)

Mu majyepfo Paruwasi ya Shyorongi

Iburasirazuba Paruwasi ya Muyanza, Paruwasi ya kinihira (Byumba) na Paruwasi ya Rutongo(Kigali)

Iburengerazuba: Paruwasi Rwankuba, Paruwasi Muhondo

Amateka ya Paruwasi Rulindo

Paruwasi Rulindo ni imwe mu maparuwasi 31 agize arikidiyosezi ya Kigali.  Yashinzwe  n’Abapadiri Bera Abanyarulindo bitaga: PERUBWISU, BARIDUHA na DUFU boherejwe na Musenyeri Hiriti kuwa 26/4 /1909,  iragizwa Bikiramariya umubyeyi ubohora imbohe. Twibutse ko Paruwasi Rulindo yibarutswe na Paruwasi ya Rwaza, ubu iri muri   Diyosezi ya Ruhengeri.

Paruwasi Rulindo yashinzwe nyuma ya Paruwasi za : Save(1900), Zaza (1900), Nyundo (1901), Rwaza(1903), Mibirizi(1903) na Kabgayi(1906). Kiliziya ya Paruwasi Rulindo yubakishijwe n’umufurere witwa Bertin mu 1937-1939.  

Izina rya Rulindo ryaba ryarakomotse kurya  Rulinda, kubera ko umusozi yubatseho ari muremure cyane, ukaba ukunda no gukubitwaho n’inkuba.  Abaturage bahitaga « Kidaturwa », baranahashyize irimbi.

Kiliziya ya mbere yubtswe na  Frère Albert yari iherereye ahitwa  « ku Ishusho ».  Ikipe y’abapadiri ba mbere yaje gusimburwa n’abapadiri  Martin, Devos, Vitu et na Yozefu bitaga  Bugondo.

Padiri Martini yagize uruhare rukomeye mu guteza imbere imihamagaro muri Rulindo.   Niwe wohereje  Noel Ryarakabije w’i na bagenzi be mu iseminari ntoya ya Kabgayi.  Niwe wohereje  Ildephonse Rutangangabo w’i Gasaka Gasaka mu novisiya y’aba  Freres Joséphistes, n’umukobwa witwa  Alphonsine mu  Benebikira i Rwaza.

Uwaje kuba Padiri  Augustin Nkerabigwi yoherezwa mu iseminari, Padiri Martini yasabye ko abatizwa nk’icyiru cyo kurangiza amakimbirane yari yagiranye na se Rutihunza, wari agoronome muri ako karere, kubera urugomero yari yakoze rugatuma amazi arenga umuhanda wajyaga i Rulindo.  Padiri Nkerabigiwi  yabatijwe mu mwaka wa  1924  yoherezwa mu iseminari ntoya ya Kabgayi Kabgayi.  Yahawe ubusaserdoti mu mwaka wa  1939 na  Musenyeri Classe, ari nawe wabuhaye Noei1934.

wabuhaye Noel Ryarakabije mu mwaka wa  1934.

Abapadiri Bera baje gusimburwa n’abapadiri b’abanyarwanda:  Albert Ndagijimana Abbé Jovit Matabaro yahageze mu mwaka wa 1926 ;  Aloys Bigirumwami ahoherezwa nka Padiri wungirije mu mwaka wa 1932.

Yubile y’imyaka 25

Yizihijwe tariki  22 Gicurasi  1934.  Wari umunsi w’akataraboneka i Rulindo.   Yiswe  « Yubile ya Rugaju ».  Yizihijwe ku ngoma ya Mutara Rudahigwa.  Rugaju rwa Mutimbo yigeze kuba umwe mu bakomeye i Bwami.  Ari yo mpamvu bagereranyije iyo yubile n’ubwamamare bwe.  Icyo gihe Paruwasi yari ifite abakristu  9,824.  Yahuriranye no kwizihiza yubile y’ibinyajana  19 Inkuru Nziza igeze ku isi, nayo yizihijwe tariki  le 22 Gicurasi 1934.

Yubile y’imyaka 50 yo ntiyizihijwe, kuko yahuriranye n’imvururu zo muri 1959.

Mu ishingwa ryayo Paruwasi Rulindo yari nini ku buryo bugaragara ari nabyo byatumye yibaruka andi maparuwasi menshi:  Byumba (1938), Rwankuba (1947), Nyagahanga (1947), Rushaki (1952), Bungwe (1954), Rutongo (1955), Rwesero (1959), Kabuye (1961), Muyanza (1961), Burehe (1962), Shyorongi (1967), Muhura (1969), Ruli (1970), Rukomo (1980) na Quasi Paroisse de Gitabage (2018).

Kuri ubu Paruwasi Rulindo igizwe n’amasantarali 6 ariyo: Rulindo, Gitabage, Murambi, Gashinge, Ruhondo na Tare. Igizwe kandi n’impuzamiryango-remezo 168 n’imiryango-remezo 752 ibumbiye hamwe abakristu:… Ubukombe bwa Paruwasi Rulindo bugaragarira mu mubare w’abapadiri 33 imaze kwibaruka kugeza uyu munsi.

Santarali, Mpuza n’Imiryango Remezo

 

Santarali	Sikirisale	Mpuza	Imiryango Remezo
Santarali Rulindo	Rulindo	9	32		296
	Gihinga	13	45
	Ruhanya	6	33
	Buhande	9	51
	Bushoki	10	49
	Gitsiro	9	48
	Vungu	13	38
Santarali Ruhondo		18	122
Santarali Tare		24	101
Santarali Gashinge	Gasaka	11	55	104
	Rukingu	12	49
Santarali Murambi		15	83
Santarali Gitabage		13	55
TOTAL		162	761

 

Imiturire n’imibereho y’abatuye paruwasi rulindo

Paruwasi Rulindo igizwe n’imisozi miremire dore ko nayo iteretse ku gasozi karekare kitwaga Rulinda, ibi nibyo bituma ifite umubare munini w’ abakristu batuye mu ngo zitatanye kandi zo mu cyaro. Muri rusange iyi Paruwasi yiganjemo umubare munini w’abana, urubyiruko hagaheruka abakuru. Ibi byiciro byose usanga bifite imyumvire ifatika ku iyobokamana bitewe nuko Ivanjili yahageze kera. Gusa kubw’impamvu nyinshi zitandukanye zirimo: ubukene, imyumvire iri hasi ya bamwe, amasambu mato no kutagira imishinga itanga akazi cyangwa se ibihingwa ngengabukungu, bituma abakristu batitabira uko bikwiye ibikorwa byo kwiyubakira Paruwasi bityo bikadindiza iterambere ryayo.

Ibigo by’amashuri n’ibigo byihariye bibarizwa muri paruwasi rulindo

Kimwe nahandi hirya no hino mu gihugu amashuri yo muri Paruwasi ya Rulindo ari mu nzego zikurikira:

Amashuri.

AMASHURI YA KILIZIYA AFASHWA NA LETA:	AMASHURI YA LETA :	AMASHURI YEGENGA:
1.E.P. RULINDO	1.E.P. GASAMA	1.COLLEGE FONDATION SINA GERARD
2.E.S. GASIZA	2.G.S. BINAGA	2.AUTO ECOLE SAINTE FAMILLE MUKOTO
3.G.S. TARE	3.E.P. BUHANDE	3.ISHURI RY’UBUDOZI (RULINDO)
4.G.S. GASAKA	4.E.P. RUKORE
5.G.S. GITABAGE	5.E.P.MURAMBI
6.G.S.RUKINGU	6.G.S. NYIRABIRORI
7.LYCEE NOTRE DAME DE LA VISITATION DE RULINDO	7.G.S. MUGENDA
	8.G.S. NGARAMA
	9.G.S. BUSHOKI
	10. V.T.C.BUSHOKI

Amashuri makuru na kaminuza:

1.UNIK(INATEK) RULINDO CAMPUS

2.TCT(TUMBA COLLEGE OF TECHNOLOGY)

Hirya y’ibi bigo by’amashuri hari n’ibindi bigo byihariye

Amavuriro na ba nyirayo:

1	-IKIGO NDERABUZIMA CYA KININI,	Kiliziya Gatolika
2	– IKIGO NDERABUZIMA CYA TUMBA	Leta
3	– IKIGO NDERABUZIMA CYA RULINDO	Leta
4	-IKIGO NDERABUZIMA CYA TARE	Leta

Ibigo bitanga ubufasha mu mibereho:

1	IKIGO CY’ABANA BAFITE UBUMUGA CY’I GASHINGE	Kiliziya
2	IKIGO NGORORAMUCO CY’I TARE	Leta

 

Ibigo by’imiryango y’abihayimana:

–ABENEBIKIRA RULINDO

-PAIN DE VIE RULINDO

-INSHUTI Z’ABAKENE TARE

-ABAJAMBO GITABAGE

-ABAJA BA MARIYA GASHINGE

-PETITE FILLE DE SAINT JOSEPH (INYANGE GIRLS SCHOOL)

Abihaye Imana bakomoka muri Paruwasi Rulindo

 

Abapadiri

1. P.   LYARAKABIJE Noel +
2. P.   NKERABIGWI Augustin +
3. P.   KANGABO Cyrile +
4. P.   KABAGAMBA Canisius +
5. P.   KAYIHURA Chrysologue +
6. P.   KABENGERA J.Baptiste +
7. P.   RUBUMBIRA Leonard +
8. P.   KANUSU Chrysostome +
9. P.   NKIZAMACUMU Théodose+
10. P.   HATEGEKIMANA Alphonse+
11. P.   SIMPENZWE Gaspard+
12. P.   KABAKA Charles +
13. P.   NYIRIMPUNGA Fidèle +
14. P.   RUGENGAMANZI J.Baptiste
15. P.   MUNYAZIKWIYE Paulin +
16. P.   NDAGIJIMANA Laurent
17. P.   NKIRIYEHE Christian +
18. P.   UWIZEYIMANA Léonidas
19. P.   HARELIMANA Joseph +
20. P.   MUGABOWAKIGERI Bernardin
21. P.   HITIMANA Phocas
22. P.   NKUNDIMANA Théophile
23. P.   TWAGIRAYEZU Patrice
24. P.   MPAWENAYO Gaudiose
25. P.   TUMUSHIMIRE Jean de Dieu
26. P.   IRATEGEKA Floribert
27. P.   KABARIRA IZERE Armand
28. P.   NSENGIMANA Noël
29. P.   MWISENEZA Julien
30. P.   BANZI Noël
31. P.   NZIMULINDA Jean Baptiste
32. P.   NSHIMIYIMANA Innocent
33. P.   BITWAYIKI Joseph

 

Ababikira

	Izina muri congrégation	Amazina y’umuryango avukamo
1	Sr M.Huberta +	KARUGANDA Modesta
2	Sr M. Tharcissia +	NYIRANKIMA Colette
3	Sr M. Albertine +	HABINEZA Joseph
4	Sr M.Augustin	NYIRANYUNDO Alvera
5	Sr M. Amabilis	NYIRABIJANA Theresa
6	Sr M. Hermana	NYIRABAGENZI Martha
7	Sr M. Emmanuel	NYIRAMAKWIKWI  Isabella
8	Sr M. Grégoire	NYIRAKAGABA Donatilla
9	Sr M. Devotha +	NYIRAMANYWA Catherine
10	Sr M. Thérésie	BAKOBWA Romula
11	Sr M. Francisca	KAMUYUMBU Helena
12	Sr M. Clarissa +	MUKAKARINDA Clotilde
13	Sr M. J.d’ARC	NIWEMFURA Tharcissia
14	Sr M.Bernardo	NYIRANDAGIJIMANA Rose
15	Sr M.Livini	MUKAMAZERA Astérie
16	Sr M.Guillaume +	NYIRAMAKUBA Josépha
17	Sr Alexis M.	KARUYONGA Virginie
18	Sr  M. de l’Annonciation	KAKUZE Marie
19	Sr Christine	MUKAMWEZI Oda
20	Sr Christiana	MUKABAZIGA Christiana
21	Sr Claire	MUJAWAMALIYA Adela
22	Sr Joséphine	NDUWAYEZU Joséphine
23	Sr Vincent de Paul	MUKABERA Languida
24	Sr Christiana	KAMUGISHA Christiana
25	Sr M. J.de Dieu	NYIRABARAME Donatilla
26	Sr M. Josépha	UWAMALIYA Josépha
27	Sr .Mathilida	NIYRAHABIMANA Mathilda
28	Sr Alphonse M.	NYIRANGIRIMANA Albina
29	Sr J.d’Arc	NYIRAMATABARO Clotilde
30	Sr Paul Immaculée	NYIRAMANA Immaculée
31	Sr Dhalia	KAMANZI Dhalia
32	Sr Marthe	NTUYUMVE Marthe
33	Sr Christine Immaculée	TURABAMARIYA Christine
34	Sr Astérie	MUKAMPORE Astérie
35	Sr Thacienne	UWERA Thacienne
36	Sr Agnès	KAYITESI Agnès
37	Sr Salomé	MUKABAZIGA Salomé
38	Sr Josépha	NYIRAHABIMANA Josépha
39	Sr Clotilda	MUKANDUTIYE Clotilda
40	Sr Julienne	N.HATEGEKIMANA Julienne
41	Sr Lucila	MUKESHIMANA Dancilla
42	Sr Illuminata	N.HATEGEKIMANA Illuminata
43	Sr Clémence	KAGWERA Clémence
44	Sr Bernadette	MUKESHIMANA Bernadette

Abafurere

	Izina muri congrégation	Amazina y’umuryango avukamo
1	Fr Ildephonse	RURANGANGABO Ildephonse
2	Fr Raphael	NZARAMBA Raphael
3	Fr Timothée	NYAGATARE  Chrisogone
4	Fr Augustin	GASASIRA Mathias
5	Voir le nom de celui qui est chez les Frères de la charité Ndera

Ingamba z’ikenurabushyo rya paruwasi rulindo mu gihe kiri imbere.

Intego rusange ya Paruwasi Rulindo.

Twisunze intego rusange twahitiwemo n’umushumba wacu,Musenyeri Thadeyo NTIHINYURWA ngo iyobore arikidiyosezi yacu ariyo igira iti” Kiliziya,ikimenyetso cy’umukiro mu bantu”, Natwe nk’imbaga y’abakristu ba Paruwasi ya Rulindo twahisemo kuyishyigikira twifashishije iyi ntego ikurikira “ Abakristu ba Paruwasi Rulindo ni isoko y’urukundo n’impuhwe kuri bose”.

Intego zihariye.

 Kwita ku mukristu wese wa Paruwasi yacu ya Rulindo.

• Guteganyiriza no gutanga servisi nziza ku bagana Paruwasi hagamijwe iterambere rya buri wese.
• Kwakira abifuza kugaruka mu kwemera gatolika barangamiye urukundo n’impuhwe byayo.
• Kunguka imbaraga ziteza imbere Paruwasi yacu zikomotse ku bana bayo.
• Gukuraho inzitizi n’impamvu zose z’abitandukanya na Kiliziya nk’umubyeyi w’urukundo n’impuhwe.
• Gusindagiza abageze mu zabukuru n’abandi bafite ibibazo bitandukanye, turushaho kubegera mu buryo bwose bushoboka.

 Kubaka Umuryango ngo ube Kiliziya y’ibanze.

• Kugira umuryango utarangwamo amakimbirane ayo ari yo yose.
• Kuryoherwa n’umuhamagaro wo gushinga urugo ngo rube ijuru rito ku barugize.
• Abana bafite uburere n’uburezi bubereye umukristu w’ejo hazaza.
• Kunyurwa n’uwo mwashakanye ukamwitaho nkuko Kristu yita kuri Kiliziya ye.
• Guhorana iteka isezerano ry’ugushyingirwa ku mutima ngo rihore rivugurura urugo.
• Kurinda ubwigunge ku babuze abo bashakanye bakundaga (abageni ba Kristu).

 Kubaka ubushobozi bw’inzego z’ubuyobozi n’iz’imirimo ya Paruwasi Rulindo.

• Kunoza inshingano za buri mukozi mu buryo busobanutse mu rwego rwo koroshya akazi no kukihutisha..
• Kubona umusaruro witezwe kuri servisi yihariye ya buri mukozi.
• Gucunga neza umutungo wa Paruwasi.
• Kongerera abakozi ubushobozi mu nzego zose.
• Iterambere ry’abakozi mu mirimo bashinzwe (uburambe mu kazi).
• Kongerera ubushobozi abagize inzego z’ubuyobozi za Paruwasi ( kuva kuri komite y’umuryango remezo kugera ku nama nkenurabushyo ya Paruwasi).

Gukomera no gushyigikira ukwemera gatolika.

• Kuba abakristu b’ukuri bahamya Ivanjili ya Kristu mu mibereho yabo ya buri munsi bamurikiwe n’urukundo n’impuhwe Kiliziya yigisha.
• Gutunga ijambo ry’Imana mu buzima bwacu, twibanda kukumenya no gusobanukirwa ibyanditswe bitagatifu.
• Kumenya no guha agaciro amahame y’ingenzi ya Kiliziya gatolika kugirango turusheho gusobanukirwa n’umugambi w’Imana wo kuducungura mu rukundo n’impuhwe by’umwana wayo w’ikinege.
• Kongera umubare w’abitabira imiryango y’agisiyo gatolika n’andi makoraniro y’abasenga yemewe na Kiliziya kugirango dukomeze kuvugurura ubukristu bwacu.

 Kurandura burundu ubupfumu n’indi migenzo ya gipagani.

• Kurwanya ubupfumu n’indi migenzo ivangira ukwemera gatolika.
• Guha agaciro Imana Data umuremyi wa twese nk’umubyeyi wacu kandi ikaba Imana isumba byose.
• Kurera abana n’urubyiruko rutarangwaho imigenzo ya gipagani ahubwo rukunda Imana n’ibyayo bityo tukaboneraho kubaka Kiliziya nzima y’ejo hazaza.
• Kogeza inkuru nziza mu bantu no kuyihesha agaciro ikwiye ngo irusheho kuba isoko y’urukundo n’impuhwe kuri bose.
• Kumenyesha bose impuhwe z’Imana nk’umuti w’ikibi cyayogoje isi yacu.
• Kurema ukwizera gushyitse mu bantu aho gutega amaramuko n’amakiriro ku bapfumu n’abandi bitwaza imigenzo gakondo.

 Kwiyubakira Kiliziya.

• Guca burundu mu bakristu umuco wo gutega amaboko ibivuye hanze no kubumvisha ko kiliziya ari iyabo, bityo ko icyo bifuza ko yaba cyo izakiba.
• Kuzamura umuco wo kwitanga no gufasha abandi tumurikiwe n’urukundo n’impuhwe dutozwa na Nyagasani Yezu Kristu Umwami wacu.
• Kugaragaza ukwemera guhamye gushingiye ku bikorwa” Muzabamenyera ku mbuto bera”(Mt 7,16)

 Kuzamura umubare w’abitabira gutanga ituro rya Kiliziya ritegetswe.

• Kumenya agaciro k’ituro rya Kiliziya n’uruhare rwaryo mu buzima bw’umukristu wese.
• Guha agaciro amasakaramentu ntareberwe mu ndorerwamo y’amaturo ahubwo mu ndorerwamo y’urukundo n’impuhwe Imana Data ifitiye mwene muntu.
• Kumenyesha abantu ko ibyo dutunze byose ari iby’Imana.
• kwiyubakira Kiliziya turushaho kuyikenura no kwimakaza umuco wo kwigira.

Kugena no kunoza uburyo bw’imitangire y’imisanzu .

• Guha umurongo imisanzu yose isabwa abakristu.
• Kongera umubare w’abakristu bifitemo ubushake bwo kwiyubakira kiliziya basobanurirwa neza impamvu y’umusanzu bagiye gutanga ,bagira uruhare mu igenwa ryawo kandi bagakurikirana uko ukoreshwa.

 Guhangana n’ingaruka z’ikoranabuhanga rikoreshwa nabi.

• Kongerera abantu, cyane cyane abana n’urubyiruko ubumenyi ku ikoreshwa ry’ikoranabuhanga n’uruhare ryagakwiye kugira mu iterambere ryabo.
• Gushakira abana n’urubyiruko ibyo gukora aho gutakaza umwanya mu ikoranabuhanga ribangiza.
• Kumenyesha ababyeyi ububi n’ingaruka z’ikoranabuhanga rikoreshejwe nabi ku bana babo by’umwihariko no kuri Kiliziya muri rusange.
• Gukundisha abana n’urubyiruko kujya mu miryango y’agisiyo gatolika n’utugoroba tw’abana kugirango bahakure uburere bubabuza guta igihe mu bitabafitiye umumaro.

 Kurwanya umuco wo kwishyingira mu rubyiruko.

• Kugabanya umubare w’abishyingira mu rubyiruko rwa Paruwasi ya Rulindo
• Gucumbura impamvu zituma urubyiruko rwishyingira gipagani.
• Gutegura gahunda zihariye zireba urubyiruko mu bihe bitandukanye.