Paruwasi Cyahafi

PARUWASI MUTAGATIFU PETERO YA CYAHAFI

Padri Mukuru,Padri Paschal Osman EWUNTOMAH

NImero ya telefoni :0789400885

Umunyamabanga:Vestine MUKABANYANA

NImero ya telefoni:0788256931

Missa

Missa zo kucyumweru: 7h00 – Ikinyarwanda
9h00 – Ikinyarwanda
11h00 – Ikinyarwanda
17h00 – Igifaransa

Mu mibyizi: guhera 06h00 za mugitondo kuva kuwa mbere kugera kuwa gatanu, no guhera 07h00 kuwa gatandatu.

Gushengerera
– Umunsi wose kuwa gatanu.

Petensiya:

Kuwa 3 no kuwa 6 nyuma ya Missa

Kwakira abakristu:

Kuwa kabiri no kuwa gatanu

Uko Paruwasi Cyahafi iteye

Paruwasi ya Cyahafi yashinzwe na Musenyeri Tadeyo Ntihinyurwa ku itariki ya 31/08/2003. Kiliziya ya paruwasi iri mu mudugudu wa Buhoro, Akagari ka Kamuhoza, Umurenge wa Kimisaraga, Akarere ka Nyarugenge, mu Mujyi wa Kigali. Ikora ku mirenge ine: umurenge wose wa Kimisagara, igice cy’umurenge wa Rwezamenyo, igice cy’umurenge wa Gitega n’agace k’umurenge wa Nyakabanda. Ku buso bwa paruwasi uhasanga amadini menshi, ari aya gikristu, ndetse n’Abayehova n’Abisilamu. Paruwasi iyoborwa n’Abapadiri Bera (Abamisiyoneri b’Afurika).

Impuzamiryangoremezo n’imiryangoremezo iyigize

Impuzamiryangoremezo Mt Yohani Kamuhoza: imiryangoremezo 11

Impuzamiryangoremezo Mt Yohani Pawulo II Kimisagara: imiryangoremezo 8

Impuzamiryangoremezo Mt Agusitini Akanyanza: imiryangoremezo 6

Incamake y’amaketa ya paruwasi

Paruwasi Mt Petero ya Cyahafi yashinzwe mu mwaka wa 2003, bishyigikiwe n’Abamisiyonero b’Afurika bari bayobowe na Padiri Rik Lenssen, Otto Mayer, Jean Claude Kaburame, Serge Traore n’umufratiri witwa Dennis Pam, ubu ni padiri ukorera ubutumwa mu gihugu cya Republika iharanira demokarasi ya Congo). Ubu paroisse ya St Pierre ifite abapadiri bane; Padiri Mukuru Edison Akatuhurira (Uganda), Padiri Leonard Hategekimana, (animateur vocationel w’uRwanda), Padiri Simplice Traore, Vikeri (Mali), Padiri Paschal Ewumtumah, Vikeri (Ghana), na Kelvin Mutalala, fratri (Zambia).

Iyo paruwasi yakomotse kuri Paruwasi Katedrali ya Mt Mikayire. Icyo gihe yari ifite kiliziya ntoya kandi ishaje. Paruwasi ya Mt. Petero Intumwa – Cyahafi Yatangiye yitwa umuryango remezo wa Kamuhoza. Nyuma yaje kugirwa santrali yubakwa mu bubutaka bwaguzwe na Padiri Nayigiziki Nicodemu, waze kuba igisonga cya Musenyeri wa Arkidiyesezi ya Kigali. (Yari igizwe n’imiryangoremezo). Icyo gihe yari iyobowe na bwana NGORORUKUNDA Clement. Uko abakristu bagiye biyongera haje igitekerezo cyo kubaka inyubako nshya, hatorwa komite yari igizwe na BANGAMWABO Stanslas, MUGENZI Epa, NSABIMANA Donat, NSINGIZUMUKIZA Anastase, BIRASAMASHYO Augustin, MUKANDEKEZI Eugenie na RUBADUKA Narsisse.

Naho ibereye paruwasi yakomeje kuyobora inama nkuru ya paruwasi afatanyije na Bwana NZABIMANA Donat na Bwana RUBADUKA Narsise. Komite ya Caritas yarigizwe na Bwana Stanslas BANGAMWABO, Bwana Nsabimana Donat, madamu Murekatete Chantal na Bwana Sibomana Jean Marie. Icyo gihe hari na komite igizwe na Bwana Donat NSABIMANA, na madamu NYIRANSEKUYE Veneranda; yari ishinzwe ubukangurambaga kuri gahunda yitwaga “GACACA NKRISTU”, yashizweho n’inama nkuru y’abepiskopi Gatorika mu Rwanda yarigamije ubumwe n’ubwiyunge.

Itariki	Igikorwa	Icyo cyavugwaho
31-08-2003	Paruwasi Mutagatifu Petero/Cyahafi yashinzwe	Yashinzwe na Musenyeri Tadeyo Ntihinyurwa
Kuri Pasika 2004	Hatangijwe amasengesho na Misa y’igifaransa.
05 /07/2008	Padiri Charles Ntabyera yahawe ubupadiri	Kubera ubuto bwa kiliziya, umuhango wabereye muri kiliziya ya Sainte Famille, uyoborwa na Myr Kizito Bahujimihigo wari umwepiskopi wa Ruhengeri
25/07/2010.	Myr Tadeyo Ntihinyurwa yayoboye umuhango wo gutaha kiliziya nshya.	Ubwubatsi bw’iyo kiliziya bwatwaye amafaranga 340.580.440 ahwanye n’ama Euro 415.342 €. Abakristu batanze umusanzu uhwanye na 20 %.
9 /072011	Abadiyakoni Prosper HARERIMANA na Innocent HABIMANA, bo mu muryango w’Abamisiyoneri b’Afurika, bahawe ubupadiri.	Babuhawe na Myr Servilien NZAKAMWITA, Umwepiskopi wa Diyosezi ya Byumba.
1 /08/ 2015	Florien NTURANYENABO yahawe ubupadiri	Yabuhawe na Myr Tadeyo NTIHINYURWA, Arkiepiskopi wa Kigali. Muri uwo muhango, Padiri Damascène MUGIRANEZA wo muri Paruwasi ya Nyamirambo yahawe ubupadiri et abafratri 5 bahabwa ubudiyakoni.
Mutarama, 2016	Itangizwa ry’ishuri ry’incuke rya Kamuhoza.
19/11/ 2016	Alphonse-Marie BYISHIMO wo mu muryango w’Abamisiyoneri b’Afurika yahawe ubupadiri	Umuhango wayobowe na Myr Smaragde MBONYINTEGE, Umwepiskopi wa Diyosezi ya Kabgayi.
06-01-2019	Itangizwa rya yubire y’imyaka ijana na mirongo itanu ishize aba Misiyoneri b’Afurika bashinzwe.	Hari ku munsi mukuru wo kwigaragaza kwa Nyagasani (Epifaniya). Abasenyeri bari bahari ni Philippe Rukamba uyobora diyosezi ya Butare, akaba na perezida w’Inama Nkuru y’abepisikopi mu Rwanda, na Musenyeri Célestin Hakizimana uyobora diyosezi ya Gikongoro, akaba anashinzwe iyobokamana.
22-06-2019	Jean Claude Habimana, Olivier Uwayezu na Protogene Rugwizandekwe bahawe ubupadiri mu muryango w’Abamisiyoneri b’Afurika.	Umuhango wayobowe na Musenyeri Antoine Kambanda, Umwepiskopi wa Arkidiyosezi ya Kigali. Jean Claude Habimana avuka muri Paroisse st Pierre/Cyahafi.
24-11-2019	Isozwa rya yubire y’imyaka ijana na mirongo itanu ishize aba Misiyoneri b’Afurika bashinzwe.	Misa yayoboye na Musenyeri Fillip Rukamba, umwepiskopi wa Diyosezi ya Butare. Abandi basenyeri bitabiye ni: Musenyeri Antoine Kambanda, Umwepiskopi wa Arkidiyosezi ya Kigali; Musenyeri Vincent HARORIMANA, Umwepiskopi wa diyosezi ya Ruhengeri; Musenyeri Celestin HAKIZIMANA, Umwepiskopi wa diyosezi ya Gikongoro; Musenyeri Tadeyo NTIHINYURWA, Arkiyepisikopi wa Kigali uri mu kiruhuko kizabukuru; Musenyeri Anaclet MWUMVANEZA, Umwepiskopi wa diyosezi ya Nyundo; Servilien NZAKAMWITA, Umwepiskopi wa diyosezi ya Byumba; na Musenyeri Andrzej Jozwowicz, intumwa ya Papa mu Rwanda. Muri ibi birori, Padiri Christian Mulenga, umukuru w’aba Misiyoneri b’Afurika mu Rwanda, yashimiye inama nkuru y’Abepisikopi na guverinoma y’u Rwanda ku nkunga bakomeje gutera Kiliziya Gatorika mu Rwanda.