Amateka ya Arikidiyosezi

AMATEKA MAGUFI YA ARKIDIYOSEZI YA KIGALI 

Tariki  10 Mata 1976,  Nyirubutungane Papa Paul VI yasohoye iteka yise  «Cum Venerabiles», rishinga Arkidiyosezi ya  Kigali (Archidioecesis Kigaliensis),  ayikuye ku buso bwa i Arkidiyosezi ya Kabgayi, yahise ihindurwa diyosezi isanzwe.   Yanahise agira Musenyeri Visenti  Nsengiyumva wari umushumba wa Diyosezi ya Nyundo Arkiyepiskopi wa Kigali.

Arkidiyosezi ya Kigali yabonye ubuzima Gatozi ibuhawe n’Iteka rya Ministri   N° 4/06 Just. ryo kuya 18 Mutarama 1977. Hashingiwe ku nyandiko-mvugo y’inama rusange  y’Inteko nkenurabushyo y’Arkidiyosezi yateranye tariki 03/04/2013, amategeko agenga Arkidiyosezi ya Kigali yaravuguruwe kugira ngo ahuzwe n’Itegeko n˚ 06/2012 ryo kuya  17/02/2012 rigena imitunganyirize n’imikorere y’imiryango ishingiye ku idini. Ayo mategeko n’ubu ariho aravugururwa kugira ngo ahuzwe n’Itegeko N°72/2018 ryo kuya 31/08/2018 rigena imitunganyirize n’imikorere y’imiryango ishingiye ku kwemera.

Icyicaro cy’Arkidiyosezi ya Kigali kiba mu Mugi wa Kigali, Akarere ka Nyarugenge, Umurenge wa  Nyarugenge, Akagari ka Kiyovu, Umudugudu w’Imena, ku muhanda  KN 67 St, B.P. 715 Kigali.

Arkidiyosezi ya Kigali ifite ubuso bwa kilometero kare  3.271.

Abepiskopi bayoboye Arkidiyosezi ya Kigali 

• Myr Visenti Nsengiyumva † (yagizwe Arkiyepiskopi tariki 10 Mata 1976 – Yitaba Imana tariki 8 Kamena 1994)

• Myr Tadeyo  Ntihinyurwa (yagizwe Arkiyepiskopi tariki 9 mars 1996 – Ashyirwa mu kiruhuko cy’izabukuru tariki  19 Ugushyingo 2018)

• Myr Antoine Kambanda (yagizwe Arkiyepiskopi tariki le 19 Ugushyingo 2018, ahabwa inkoni y’ubushumba tariki 17 Mutarama 2019 )

Abepiskopi Arkidiyosezi ya Kigali yibarutse 

• Myr Antoni Kambanda (yabaye  padiri tariki  8 Nzeri 1990 kugeza tariki 7 Gicurasi 2013; akaba ari Arkiyepiskopi wa Kigali kuva tariki  19 Ugushyingo 2018 (reba umwirondoro we wuzuye ku rubuga rwe).

• Myr Célestin Hakizimana (yabaye padiri tariki   21 Nyakanga 1991 kugeza tariki 26 Ugushyingo 2014), ubu akaba ari umushumba wa Diyosezi ya Gikongoro.

• Myr Anaclet Mwumvaneza (yabaye Padiri kuva tariki  25 Nyakanga 1991 kugeza tariki 11 Werurwe 2016), ubu akaba ari umushumba wa Diyosezi ya Nyundo.

 Amateka y’ishingwa rya Paruwasi za Arkidiyosezi ya Kigali 

Arkiyosezi ya Kigali ishingwa yari ifite paruwasi 17 :   Gikondo (1976), Kabuye (1961), Kicukiro (1965), Masaka (1963), Musha (1969), Ndera (1970), Nyamata (1957), Nyamirambo (1964), Rilima (1973), Ruhuha (1971), Ruli (1970), Rulindo ( 1909), Rutongo (1955), Rwankuba (1947), Saint Michel ( 1963),  Sainte Famille (1913) na  Shyorongi (1967).

Akarere gahuye n’ubuso Arkidiyosezi ikoreramo ubutumwa kugeza mu mwaka wa 1956  kari kagizwe na paruwasi enye gusa : Rulindo (1909), Sainte Famille(1913), Rwankuba(1947) na Rutongo(1955).  Hagati y’imyaka ya  1956 kugeza  1976 kashinzwemo paruwasi nshya muburyo bwihuse.   Mu myaka 20, umubare wa paruwasi wavuye kuri enye (4) ugera kuri cumi n’indwi (17).  Ibigo byinshi by’abihaye Imana bihashyira za kominote, hanatangizwa amashuri abanza n’ayisumbuye n’ibindi bikorwa byinshi byo gufasha abaturage.  Usibye paruwasi Nyamata, Rulindo, Rutongo, Rwankuba na Sainte Famille, biragaragara ko izindi paruwasi zose zavutse hagati ya 1961 na 1976, ni ukuvuga ko hashingwaga hafi paruwasi imwe buri mwaka.  Ibyo bishobora kuba binasobanura impamvu ibikorwa remezo by’izo paruwasi bitari bihagije ugereranyije n’izavutse mbere.

Hari ibintu bitatu byasobanura impamvu ibikorwa by’iyamamzabutumwa byateye imbere ku buryo bwihuse muri iriya myaka :  Ubwitange bwite bwa Musenyeri Perraudin, iturwa ryihuse by’ibice bitabagamo abaturage benshi mu burasirazuba bwa Arkiyosezi nyuma ya 1956; kuba umurwa mukuru w’igihugu waravuye i Nyanza ukimukira i Kigali, no kuba Kigali yaragizwe Arkidiyosezi mu mwanya wa Kabgayi, ikanayisimbura mu kuba indongozi mu gihugu nyuma y’ubwigenge.

Ariko kuva Arkidiyosezi yashingwa mu mwaka w’1976, ishingwa rya paruwasi nshya ryarahagaze igihe kirekire.   Usibye Paruwasi ya Gikondo yashingiwe mu mwaka umwe na Arkidiyosezi, indi paruwasi yongeye gushingwa ni Gishaka mu mwaka w’ 1992, ni ukuvuga nyuma y’imyaka 14 Arkidiyosezi ivutse.

Kutagira abapadiri bahagije nicyo gisobanuro nyamukuru ry’uko gukomwa mu nkokora.  Kuva 1958 kugeza  1975, Arkidiyosezi ya  Kigali, yari ikiri muri Arkidiyosezi ya Kabgayi, yibarutse abapadiri umunani gusa.   Ni ukuvuga umupadiri utageze kuri umwe buri myaka ibiri.  Kuva Arkidiyosezi yashingwa muri 1976 kugeza muri 1994,  abapadiri 12 nibo bonyine babuhawe.   Ni ukuvuga ko hatabonekaga nibura umupadiri umwe buri mwaka.   Abo bapadiri 20 ntibari bahagije ngo hashingwe izindi paruwasi, kuko bamwe muri bo boherezwaga mu butumwa mu mashuri y’Arkidiyosezi, muri servisi zayo no mu nzego zigengwa n’Inama y’Abepiskopi Gatolika mu Rwanda.  Kugeza mu mwaka w’1994, paruwasi 12 kuri  18 zari zigize Arkidiyosezi zari zikiyobowe n’abamisiyoneri, biganjemo  Abapadiri  Bera, Abasaleziyani, aba Pallotini n’Abadominikani.  Bamwe muri bo bavuye mu gihugu muri 1994 ntibahita bagaruka intambara irangiye, bitumwa zimwe muriparuwasi zihuzwa by’agateganyo.

Sinodi itegura Yubile y’Umwaka wa 2000 nk’imbarutso yo  gushinga paruwasi nshya

Mu mwaka wa 2004 nibwo Myr Tadeyo Ntihinyurwa yatangije gahunda ndende yo gushinga paruwasi nshya n’ubwo hagati aho yari yarashinzwe za paruwasi   Cyahafi (31/08/2003), Kabuga (01/06/2003) na Kacyiru (28/08/2004).

Mu nyandiko yo kuya  09/11/2004 yise «insuffisance des paroisses catholiques dans l’Archidiocèse  de Kigali et la recrudescence des sectes » (kutagira paruwasi zihagije nk’icyuho gitiza umurindi ingirwamadini » ; Musenyeri Tadeyo Ntihinyurwa yashimanghiye ko bikenewe gushinga paruwasi nshya agira ati : « twizihiza Yubila y’imyaka 2000 ivanjili igeze mu Rwanda, twatangajwe nuko nyuma y’imyaka 25 Arkidiyosezi ishinzwe,  abaturage mu mbibi zayo bavuye ku bantu  509,807 bagera ku bantu  1,155,550, naho abakristu gatolika bava ku bantu  310,163 bagera ku bantu  683,811.  Nyamara umubare wa paruwasi wari ukiri wa wundi :  18.  Imyaka yo mu bihe by’intambara n’imidugararo ( 1990 -1998) wagaragayemo ishingwa ry’ingirwamadini menshi yigaruriye abakristu gatolika abafatanyije no gucibwa intege no kujya gusengera kure yabo. ».

Yatanze ikifuzo cy’uko paruwasi zo mu Mugi wa Kigali zagera kuri  15 zivuye kuri 7, naho mu gice cy’icyaro zikagera kuri 22 zivuye kuri 14.

Ibura ry’abapadiri ntiryari rikiri imbogamizi nyamukuru, kuko kuva mu mwaka w’ 1995 kugeza mu mwaka wa 2004,  ni ukuvuga imyaka 10, Arkidiyosezi yibarutse abapadiri bashya 40, ni ukuvuga inshuro ebyiri abari barabuhawe hagati y’1958 kuga  1994 (imyaka 36).

Iyi nyandiko ya Musenyeri, yaje ari nk’imfashanyigisho yo guhwitura abakristu ngo bongere ubwitange muri gahunda yo gishinga paruwasi nshya yari yaratangiye.

Dore paruwasi nshya zashinzwe kuva mu mwaka wa 2003 :

Paruwasi	Itariki yashingiweho	Paruwasi yayibyaye	Umtagatifu yiyambaza
Kacyiru	29/08/2004	Sainte Famille	Notre Dame de la Misericorde
Kabuga	01/06/2003	Masaka	Jésus Misericordieux
Cyahafi	31/08/2003	Saint Michel	Saint Pierre Apotre
Kigarama	11/11/2006	Musha	Sainte Claire d’Assise
Muhondo	06/09/2008	Rwankuba	Marie Reine de la Paix
Remera	14/09/2008	Kicukiro	Regina Pacis
Karenge	16/11/2008	Masaka	Saint Stanislas
Munyana	04/09/2011	Rwankuba	Saint Thaddée
Nkanga	15/09/2012	Rilima	Notre Dame de Kibeho
Butamwa	17/05/2015	Nyamirambo	Saint Jean Apotre
Mbogo	22/10/2017	Rwankuba	Saint Jean Paul II
Rutonde	26/11/2017	Shyorongi	Saint Joseph
Rushubi	13/10/2018	Rilima	Sainte Thérèse de Lisieux

Arkidiyosezi ya Kigali ubu igizwe na paruwasi 31 zibumbiye mu turere nkenurabushyo dutanu:

 

Imbonerahamwe ya paruwasi z’Arkidiyosezi n’Uturere nkenurabushyo zibarizwamo

Amwe mu matariki y’ingenzi mu buzima bw’Arkidiyosezi (udashyizemo za paruwasi, komisiyo na servisi zayo)

10/04/1976 : Ishingwa ry’Arkidiyosezi ya Kigali n’itorwa rya Musenyeri Visenti Nsengiyumva nk’umushumba wayo wa mbere.

27 Nzeri 1976:  Hashinzwe Seminari Ntoya ya Arkidiyosezi.  Yafunguriye imiryango muri paruwasi ya Rulindo, nyuma yimurirwa muri Paruwasi ya Ndera.  Imirimo yo kubaka seminari nshya i Ndera yatangijwe mu mwaka w’1982, maze mu mwaka wa 1983 abaseminari barenga 300 bimukirayo.

Dore abapadiri bayoboye Seminari Ntoya ya Ndera kuva yashingwa kugeza uyu munsi :

• Padiri Jan BEKKER (1976-1980)
• Musenyeri Nicodème NAYIGIZIKI (1978-1979)
• Musenyeri Felix KABAYIZA (1980-1982)
•  Padiri Jean Baptiste RUGENGAMANZI (1982-1983 : début de la première année à Ndera)
•  Padiri André HAVUGIMANA (1982-1994)
• Musenyeri Kizito BAHUJIMIHIGO (1994-1996)
• Padiri Justin KAYITANA (1996-1998)
• Padiri Canisius NIYONSABA (1998-1999)
• Musenyeri Callixte TWAGIRAYEZU (1999-2002)
• Padiri Jean Bosco NTAGUNGIRA ( 2002-2018)
• Padiri Pascal TUYISENGE (2018-….)

1980-1985 : Kwimura abaturage ku Kacyiru ahagombaga kubakwa katedrali nshya Ubwubatsi bwatangiye mu mwaka wa 1991 mu gihe igihugu cyari mu ntambara, umushinga uhagarara muri 1994, ntiwanakomeza n’ubwo hubatswe by’agateganyo aho abakristu ba paruwasi  Kacyiru basengera by’agateganyo.   Leta yemeje ko uwo mushinga uhagarara burundu mu mwaka wa’2007, bitangira gushyirwa mu bikorwa mu mwaka wa 2013, bikaba bishobora kugera ku musozo mu mwaka wa 2020.

Kuwa gatanu tariki 07/09/1990 : Missa ya Nyirubutungane Papa Yohani Pawulo II muri Katedrali ya Mutagatfu Mikayike mu gihe cy’uruzinduko rwe mu Rwanda (reba inyigisho yose y’umwimerere ku mugereka).

Ku cyumweru tariki  9/09/ 1990 : Missa ya Nyirubutungane Papa Yohani Pawulo II i Nyandungu mu gihe cy’uruzinduko rwe mu Rwanda (reba inyigisho yose y’umwimerere ku mugereka).

1990-1994 :  Intambara yabyaye jenoside yakorewe abatutsi  muri 1994. Ibyinshi mu bikorwa remezo by’iyogezabutumwa byarasenywe cyangwa birasahurwa.   Kuri paruwasi 18, ebyiri gusa nizo zasigaye zikanyakanya :  Saint Michel na Sainte Famille.   Kongera gusubukura ibikorwa by’iyogezabutumwa byaragoranye, kubera abapadiri bake, ibikoresho bike n’ibikorwa remezo byari bitarasanwa.

11 Nzeri 1994 :  Nyirubutungane Papa Yohani Pawulo II yagize Musenyeri Tadeyo  NTIHINYURWA umuyobozi w’agateganyo w’Arkidiyosezi Kigali.  Ajya gushyira mu myanya abapadiri bwa mbere, Arkidiyosezi yari ifite gusa  23 bari mu ikenurabushyo mu rwego za paruwasi 13 zakoraga icyo gihe, barimo 12 ba Arkidiyosezi na 13 b’abamisiyoneri.   Paruwasi 5 nta bapadiri zari zifite.

08 Werurwe 1996 : Nyirubutungane Papa Yohani Pawulo II yagize Musenyeri Tadeyo  NTIHINYURWA Umushumba mushya  w’Arkidiyosezi Kigali.  Ahabwa inkoni y’ubushumba tariki 25 Werurwe  1996.   .

24 Nzeri 1996 – Ukuboza 2001 :  Sinodi yo gutegura no kwizihiza Yubile y’imyaka 2000 Inkuru Nziza igeze ku isi n’imyaka  100 igeze mu Rwanda.  Myr tadeyo Ntihinyurwa yatangije iyo gahunda ku mugaragaro tariki  24/11/1996,  mu gitambo cya Misa cyaturiwe muri paruwsi ya  Nyanza hizihizwa Yubile y’imyaka 50 u Rwanda rweguriwe Kristu Umwami.     Isozwa rya  Sinodi mu Kuboza  2001, ryabaye mu mwaka Arkidiyosezi yizihijemo Yubile y’imyaka 25 yari imaze ivutse.   (Reba imyanzuro y’iyo sinodi ku rubuga rwa komisiyo ibishinzwe).

14/01/2002 : Iteka rya Myr rishyiraho uturere nkenurabushyo  4 muri Arkidiyosezi, dusimbura za Doyennés.  Uturere nkenurabushyo twaje kugirwa 5 guhera tariki  23/3/2009, ubwo Akarere Nkenurabushyo k’Umugi wa Kigali kagabanywagamo Uturere Nkenurabushyo tubiri : Kicukiro na Saint Michel

2002 : Gutangiza gahunda yo kwitunga kwa za paruwasi, ubuhafi ya zose zikaba zibeshejweho n’abakristu n’ibikorwa nyongeramusaruro byazo.

• Kuva tariki 24 kugeza 27 gashyantare 2003 no kuva tariki  17 kugeza tariki 21 gicurasi 2004 : Amahugurwa y’abapadiri i Remera Ruhondo yateguye igikorwa cyakurikiye cyo kuvugurura imiryango remezo nk’uko tuyizi uyu munsi.  Yanaherekejwe n’amahugurwa y’abakangurambaga bagize uruhare muri icyo gikorwa.
• 2003 : Ishyirwaho ry’ibiro by’Ubuhuzabikorwa bw’ikenurabushyo

Mata 2005 : Hemejwe Igenamigambi n’ingamba mu ikenurabushyo rya Tugendere Hamwe (2006-2025).

Kuva tariki 28/05 kugeza tariki  01/06/2007, Ihugurwa ry’abapadiri ryabereye i Mbare muri Diyosezi ya Kabgayi, ryabaye imbarutso y’amahugurwa ahoraho agenerwa abapadiri buri mwaka, yanibarutse icyumweru cy’ingengo y’imari n’icyumweru cy’ikenurabushyo bitegurwa buri mwaka.

28 Nzeri2009 : Myr tadeyo Ntihinyurwa yasinye amategeko ashinga Ikigega cy’Ubwisungane cya Arkidiyosezi (Fonds Diocésain de Solidarité), kigurira abapadiri imodoka, kigatera inkunga ubwigishwa bw’iyobokamana, ndetse n’ibikorwa nyongeramusaruro bya za paruwasi zitarashobora kwibeshaho mu mikoro yazo.

25 Werurwe 2016 : Umusozi wa Jali wemejwe nk’ahantu hazajya hakorerwa ingendo ntagatifu nyuma y’aho huzurijwe ibibumbano by’Inzira y’umusaraba (2015) haranubatswe umusaraba munini cyane 2012) imbere ya shapeli yahubtswe mu myaka y’1986-1988iyo shaperi ikaba yararagijwe Bikiramariya wa Kibeho.  Jali Musenyeri wayise Umusozi w’ishya n’amahoro.

2012 : Gutangiza iyubakwa rya Hoteri Sainte Famille.

Janvier 2016 : Hasohotse amabwiriza ngengamikorere y’Arkidiyosezi ya Kigali.

25 Mars 2017 : Yubile y’imyaka 75 y’amavuko ya Myr Tadeyo Ntihinyurwa kuri  Stade Amahoro i Remera

19/11/2018 : Myr Antoni Kambanda yagizwe Arkiyepiskopi mushya wa Kigali, ahabwa inkoni y’ubushumba tariki  17 Mutarama 2019.

 

Abapadiri bakomoka muri Arkidiyosezi ya Kigali n’amatariki bahereweho ubusaserdoti

 

No	AMAZINA	ITARIKI YAVUKIYEHO	ITARIKI YAHEREWEHO  UBUSASERDOTI	AHO AKORERA UBUTUMWA
1	P. KARANGO Benoît	1930	08/04/1958	P.S.S.V. Ndera
2	Myr NAYIGIZIKI  Nicodème	1929	30/03/1959	Archevêché
3	P.GAKUBA (TUYISENGE) Déogratias	1935	27/05/1966	Kigali (arafunze)
4	P.RUGENGAMANZI  Jean Baptiste	04/04/1944	12/07/1970	Saint Michel
5	Myr HAVUGIMANA André	1943	11/07/1971	Centre St Paul
6	Myr NTIHINYURWA Thaddée	25/09/1942	11/07/1971	Collège St André
7	P. SAFI Protais	04/12/1948	21/07/1974	Kacyiru
8	P.BIMENYIMANA Joseph	19/03/1947	04/08/1974	France
9	P.KIBANGUKA André	1949	19/12/1976	Belgique
10	P.UWIZEYIMANA Léonidas	15/01/1955	27/07/1982	Suisse
11	P. RWABUTERA Marcel	31/07/1949	01/08/1982	France
12	P.TWIZEYIMANA Ildefonse	1956	04/08/1985	USA
13	P.TWAGIRAMUNGU Valens	17/04/1961	30/07/1989	Rwankuba
14	Myr KAMBANDA Antoine	10/11/1958	08/09/1990	Archevêché
15	P. MUNYESHYAKA Wenceslas	30/07/1958	21/07/1991	France
16	P. BUTERA Eustache	01/03/1965	14/07/1991	Belgique
17	P. KABERAMANZI Jean Pierre	04/07/1964	28/07/1991	Italie
18	P. SITAMWITA Silvère	02/09/1952	26/07/1992	France
19	P. UWIMANA Jean Chrysostome	29/10/1963	26/07/1992	Italie
20	P.NTAGUNGIRA Jean Bosco	3/04/1964	01/08/1993	Remera
21	P.NDAYISABA Gallican	1962	01/08/1993	Centre St Paul
22	P.CONSOLATEUR Innocent	28/03/1960	23/07/1995	Centre St Paul
23	P.BARUSHYWANUBUSA Avit	17/06/1966	14/07/1996	Nyamirambo
24	P.NGABONZIMA Jean Louis	14/02/1965	5 /07 /1997	France
25	P.BIRAMAHIRE Evariste	1961	22/07/1997	Remera
26	P.KABANDA Théophile	1966	15/08 /1997	Ruhuha
27	P.NIYONSABA Canisius	12/02/1968	12/07/1998	France
28	P.GATARE Tharcisse	15/08/1970	11/07/1999	Kicukiro
29	P.KAREMERA Azarias	25/09/1970	11/07/1999	Israël
30	P.UWUMUKIZA Casimir	10/03/1965	18/07/1999	St Michel
31	P.MUSEMAKWELI  Elivinus	06/03/1970	18/07/1999	Ruhuha
32	P.HITIMANA   Phocas	29/03/1971	25/07/1999	Italie
33	P.OKWADA Dominique	27/04/1968	09/07/2000	PSSV Ndera
34	P.KABERA Alexandre	16/06/1973	25/07/2000	Canada
35	P. DUSHIMIYIMANA Innocent	21/05/1967	15/07/2001	Ruli
36	P.MVUYEKURE  Rémy	29/02/1972	28/07/2001	Espagne
37	P.NZABAMWITA Eric	1973	28/07/2001	France
38	P.TWIZERIMANA  Théophile	04/08/1968	08/12/2001	Côte d’Ivoire
39	P.HITAYEZU Fulgence	05/07/1972	14/07/2002	Espagne
40	P.MUKESHIMANA Gaspard	1962	14/07/2002	Nyamirambo
41	P.KANAMUGIRE Thomas	07/03/1970	27/07/2002	Canada
42	P.IYAKAREMYE  Théogène	15/03/1974	04/08/2002	Ruli
43	P.UWAMAHORO Canisius	21/07/1968	15/08/2002	Belgique
44	P.RUKIMBIRA Ezéchiel	16/08/1971	15/08/2002	Canada
45	P.NZABONIMANA Anastase	15/11/1965	25/08/2002	Archevêché
46	P.NTIVUGURUZWA  Onesphore	06/09/1972	31/08/2002	Collège St André
47	Myr MUVANDIMWE Jean Claude	18/03/1973	09/11/2002	Archevêché
48	P.NKUNDIMANA Théophile	15/08/1974	12/07/2003	Espagne
49	P.TWAGIRAYEZU Patrice	01/11/1971	12/07/2003	Rilima
50	P.MUYOBOKIMANA Jovin	21/08/1971	12/07/2003	France
51	P.TUYISENGE Léonidas	09/05/1970	19/07/2003	Rwankuba
52	P.NGIRUWONSANGA Emmanuel	1969	26/07/2003	Canada
53	P.NSENGIYUMVA Emile	1966	26/07/2003	Italie
54	P.HAVUGIMANA Jean Pierre	1968	10/08/2003	Espagne
55	P.NSENGIYUMVA Védaste	20/06/1974	17/08/2003	France
56	P.NSENGIYUMVA Mathias	07/03/1974	30/08/2003	Kigarama
57	P.BANITUZE Bernardin	24/11/1974	10/07/2004	Centre Saint Paul
58	P.NIYITEGEKA Celse	1976	17/07/2004	France
59	P.RUSHIGAJIKI Jean Pierre	19/09/1973	24/07/2004	Nyamata
60	P.UWAMUNGU Wellars	29/05/1977	07/08/2004	Ruli
61	P.UWAMUNGU Martin	15/05/1970	30/07/2005	Kacyiru
62	A TUYISENGE Pascal	06/04/1972	23/07/2005	P.S.S.V/Ndera
63	P.HAGUMA Jonas	22/07/1974	16/07/2006	Karenge
64	P.NSHAGAYIMANA Gérard	1972	16/07/2006	Nyamirambo
65	P.HABIMANA Etienne	02/02/1974	16/07/2006	Rutongo
66	P.BIZIYAREMYE  Gilbert	1977	16/07/2006	Italie
67	P.TWIZEYUMUREMYI Donatien	02/07/1978	25/07/2006	Centre Saint Paul
68	P.UWAMUNGU Jean Bosco	1957	26/08/2006	U.S.A
69	P.MUTUYIMANA  Claudien	20/06/1978	02/09/2006	Italie
70	P.NTABYERA Charles	08/06/1976	05/07/2008	P.S.S.V/ Ndera
71	P.GAKWANDI Jean Marie Vianney	20/03/1974	12/07/2008	Kabuye
72	P.NSHIMIYIMANA Jean de Dieu	31/07/1976	12/07/2008	Kacyiru
73	P.DUSINGIZIMANA Lambert	16/09/1976	15/08/2008	Ste Famille
74	P.MUHAWENIMANA Bernard	14/06/1980	15/08/2008	Nyamata
75	P.MPAWENAYO Gaudiose	02/01/1975	15/08/2008	Ruli
76	P.HAJINGABIRE Gratien	01/11/1976	23/08/2008	Nyakibanda
77	P.NDUNGUTSE Jean Jacques	10/04/1981	23/08/2008	France
78	P.GAKINDI Jean Marie Vianney	17/10/1980	23/08/2008	Italie
79	P.KIMENYI Damien	01/10/1977	18/07/2009	Rulindo
80	P.NSHUBIJEHO Faustin	02/01/1981	18/07/2009	Collège St André
81	P.NSENGIYAREMYE Viateur	10/05/1976	18/07/2009	Gishaka
82	P.NDARIBITSE Jean Pacifique	1975	08/08/2009	Remera
83	P.NSANZINEZA Marcel	10/07/1978	15/08/2009	Espagne
84	P.KARAMIRA Victor	15/09/1980	10/07/2010	St Michel
85	P.UWIMPUHWE Noël	25/12/1979	10/07/2010	Allemagne
86	P.KANANGA Léopold	01/01/1974	17/07/2010	Rulindo
87	P.HABINEZA François	17/11/1983	16/07/2011	Kicukiro
88	P.HAKIZIMANA Charles	01/05/1976	16/07/2011	Italie
89	P.NTIVUGURUZWA Jean Pierre	15/09/1977	16/07/2011	Muhondo
90	P.UWAYEZU Albert	02/01/1983	23/07/2011	Ruli
91	P.NSANZAMAHORO Justin	05/10/1982	23/07/2011	Munyana
92	P.SEBAHIRE Emmanuel	10/01/1978	23/07/2011	Shyorongi
93	P.UWIMANA Ildefonse	01/08/1972	23/07/2011	Ste Famille
94	P.NIYIGENA Léodegard	31/07/1977	06/08/2011	C.EP.R.
95	P.NSENGIYUMVA Emmanuel	24/05/1976	13/08/2011	Nyamata
96	P.IRATEGEKA Floribert	05/01/1977	29/07/2012	Masaka
97	P.TUMUSHIMIRE Jean de Dieu	20/10/1985	29/07/2012	Archevêché
98	P.SIBOMANA Aloys	23/04/1983	15/08/2012	Espagne
99	P.RUTERANA Simon Pierre	01/05/1983	15/08/2012	Kabuye
100	P.NIYIGENA Aphrodis	05/06/1982	15/08/2012	Ste Famille
101	P.NDASHIMYE Jean Claude	29/09/1979	25/11/2012	Ndera
102	P.DUKUZUMUREMYI Jean Leonard	14/10/1984	13/07/2013	Mbogo
103	P.NSENGIMANA Noël	25/01/1985	28/07/2013	Collège St André
104	P.KANYAMIHIGO Ildephonse	27/03/1984	28/07/2013	Rutonde
105	P.KABARIRA IZERE Armand	09/07/1986	28/07/2013	Ndera
106	P.DUSABE Joseph MUKASA	20/11/1978	10/08/2013	Rwankuba
107	P.KAYIRANGA Jean de Dieu	01/06/1984	15/08/2013	Nyamirambo
108	A RUVUZANDEKWE Simon	27/06/1985	15/08/2013	PSSV Ndera
109	P.UWAMUNGU Jean de Dieu	08/06/1983	15/08/2013	St Paul
110	P.NIWENSHUTI Didier	20/12/1982	15/08/2013	Nkanga
111	P.NZAYISENGA Polycarpe	06/12/1978	12/07/2014	Kacyiru
112	P.DUSENGIMANA Gabriel	23/02/1978	09/08/2014	Remera
113	P.NTACOGORA J.M.V	25/08/1985	09/08/2014	Kicukiro
114	P.RUZINDANA Jean Claude	04/04/1982	12/07/2014	Espagne
115	P.DUSENGUMUREMYI Alphonse	07/01/1980	31/08/2014	Rilima
116	P. HIRWA BAGENZI Ignace	07/03/1980	09/08/2014	Belgique
117	P. DUSABIMANA Faustin	01/01/1986	11/07/2015	PSSV Ndera
118	P. MUGIRANEZA J. Damascène	13/01/1975	01/08/2015	Rushubi
119	P. NTURANYENABO Florien	27/02/1981	01/08/2015	Rwankuba
120	P. KUBWIMANA Crispin	25/11/1979	22/08/2015	Muhondo
121	P. HABIYAKARE Théoneste	26/02/1983	09/07/2016	Rulindo
122	P. NDANGAMYAMBI Victor	08/08/1986	09/07/2016	Gishaka
123	P. MANIRAFASHA Augustin	10/03/1986	23/07/2016	Kareng
124	P. MWISENEZA Julien	01/07/1986	13/08/2016	Ruhuha
125	P.  BANZI Noël	01/01/1970	13/08/2016	Gishaka
126	P. NIMURAGIRE Eulade	06/06/1984	13/08/2016	Shyorongi
127	P. NSANZABACU François	31/08/1981	13/08/2016	Musha
128	P.  NKUNDAMAHORO Jean Paul	17/06/1984	03/09/2016	Rutonde
129	P. BAGANINEZA Fidèle	01/01/1985	22/07/2017	Kigarama
130	P. BIGIRIMANA J. Claude	05/02/1987	22/07/2017	Rutongo
131	P. BIGIRIMANA Marius	18/02/1988	22/07/2017	Mbogo
133	P. BIZUMUREMYI J. Bosco	04/03/1987	22/07/2017	Rushubi
134	P. KARANGWA Thierry	27/07/1988	22/07/2017	Munyana
135	P. NSABIREMA Egide	03/01/1987	22/07/2017	Rilima
136	P. UMUHIRE Alain Robert	07/05/1982	22/07/2017	Nkanga
137	P. TWAGIRINSHUTI Frodouard	15/02/1980	22/07/2017	Nyamata
138	P. NDAGIJIMANA Alexis	14/04/1986	04/08/2108	Masaka
139	P. NTEZIRYAYO Martin	05/10/1984	04/08/2018	Musha