Abakarisimatiki

Ivugururwa muri Roho Mutagagatifu muri Kiliziya Gatolika

Renouveau Charismatique Catholique (RCC)

• AHO UFITE  ICYICARO 

Umuryango w’Ivugururwa muri Roho Mutagatifu ufite icyicaro gikuru ku rwego rw’igihugu  muri Diyosezi ya Butare. Ku rwego rwa Arkidiyosezi ya Kigali nta hantu hazwi hari ikicaro cy’umuryango

Iyo ugeze mu maparuwasi yose  no mu masantarali uhasanga amakoraniro y’Ivugururwa asenga mu gihe kizwi nibura inshuro imwe mu cyumweru bagakora inama zateganyijwe igihe bibaye ngombwa kuri gahunda baziranyeho n’abapadiri muri paruwasi yabo.

 ADRESSE 

Renouveau Charismatique Catholique

Archidiocèse de Kigali – RWANDA

TEL:0783729759  / 0728664499 (Umuyobozi)                                                    

       0783522956 / 0788588355 (Aumônier)                                                    

E-mail: kigalic@yahoo.fr                                                     

• UMUYOBOZI 

NSANZAMAHORO  Cassien    ó    Tel :0783729759  / 0728664499

E-mail: kigalic@yahoo.fr                                                     

Aumônier : A Jean Pierre NTIVUGURUZWA  ó  Tel : 0783522956 / 0788588355                                                    

• IBIKORWA  BYIHARIYE UFITE UKORA

Abavandimwe bibumbiye mu muryango w’Ivugururwa muri Roho Mutagatifu bagerageza kubaho bigana imibereho y’abakristu ba Mbere (Intu 2,42-47).

• ISENGESHO
• Isengesho ry’ikoraniro rimwe mu cyumweru.
• Isengesho ryo gusabira abarwayi n’abafite ibibazo bitandukanye by’ubuzima bikorwa na Minisiteri y’Impuhwe buri munsi . Mu gihe runaka  bikorerwa ku rwego rwa Paruwasi no ku rwego  rwa  Diyosezi.
• IBIKORWA BY’URUKUNDO
• Igikorwa  cy’urukundo nibura rimwe mu cyumweru
• Umusanzu uhoraho ukomoka ku Ituro rya kimwe cy’icumi(¹/₁₀)  gitangwa  n’abibumbuye muri uwo muryango  ugererwa abakene buri kwezi.
• IVUGABUTUMWA
• Inyigisho yo gukomeza abavandimwe mu kwemera rimwe mu kwezi mu makoraniro yabo
• Kugira uruhare muri Liturijiya mu maparuwasi yabo:Gusoma no kuririmba(Chorale Charismatique, n’bindi,….. 
•  
• Umusanzu uhoraho ukomoka ku Ituro rya kimwe cy’icumi(¹/₁₀)  gitangwa  n’abibumbuye muri uwo muryango  ugenerwa ikenurabushyo rya Paruwasi (Padiri Mukuru) buri kwezi.
• Akanyamakuru kitwa  BAVANDIMWE kandikwamo  ibikorwa by’abakarisematike muri Arkidiyosezi ya Kigali gasohoka mu gihembe (mu mezi atatu)
• Urugendo Nyobokamana i Kibeho buri mwaka mu cyumweru cya kabiri cy’ukwezi kwa cumi
• Guhimbaza byimazeyo umunsi mukuru wa Penekositi no kwinjiza abanyamuryango bashya buri mwaka
• Ubumwe (Ihuriro ry’Abanyamuryango n’inshiti zabo) bikorerwa ku ngoro y’Impuhwe z’Imana i Kabuga  inshuro Imwe mu mwaka
• Umwihero w’abayobozi b’umuryango hamwe na Padiri Omoniye ukorerwa mu Rugo rwa Roho Mutagatifu i Mbare usoza umwaka ugatanga n’icyerekezo cy’ubutumwa bw’umwaka utaha.
• Hari n’ibindi bikorwa by’umuryango bikorwa hagendewe  ku igenabikrwa ritegurwa buri mwaka.
• AMATEKA Y’UMURYANGO MURI MAKE

Umuryango  w’ Ivugururwa muri  Roho Mutagatifu(Charismatique)  watangijwe n’abanyeshuli 30 bo mu ishuli rikuru (Université) ryo muri Amerika ahitwa Dukwesne muri Leta ya Penisilivaniya hari ku wa 17-18/Gashyantare/1967. nibwo rero bigeze muri 1975  Papa Pawulo wa VI  yakiriye Abakarismatike  i Roma, ababwira ko ari amahirwe Kiliziya igize yo kuvukisha abasengera muri  Roho                        Mutagatifu , Ndetse asaba abepiskopi bose bo kuri iyi si kubakira mu ma Diyosezi yabo. Mu Ukuboza 1973  Umuryango w’bakarismatike  wari   usesekaye i Kigali mu Rwanda utangizwa na Padiri  Blaise  Foresitiye.

Uko umuryango wagiye ukura

UMUBARE W’ABAGIZE UMURYANGO   MU MWAKA 2019

Ni ukuvuga ko dufite Abanyamuryango b’abakarisimatike 6,800 babarizwa ma makoraniro 206      muri Arkidiyozesi ya Kigali.

Kominote zishamikiye ku Ivugururwa muri Roho Mutagatifu :

• Ingoro y’urukumdo                     4.  Abambari ba Jambo
• Ubumwe                                      5.  Kominote ya  Emmanuel
• Abajambo